Pyare pyare islami bhaiyo allah paak har cheej par kadir hai wo kisi bhi mu-amile me hargij hargij kisi ka mohtaj nhi, usne apni kudrate kamila se duniya ko banaya fir is ko tarah tarah se sajaya aur fir insano ko isme basaya aur insano ki hidayat ke liye waktan fa waktan ambiya aur rusool ko maboos farmaya, wo agar chahe to ambiya ke bigair bhi bigde huye insano ki islah kar sakta hai lekin uski mashiyat hi kuchh is tarah hai usne yahi pasand farmaya ke mere bande hi naiki ki dawat de aur burai se mana kare aur is tarah wo meri rah me mushakkate aur meri bargahe aali se darjate faeeya hasil kare.
chunache naiki ki dawat dene aur burai se mana karne ke mansabe aali ki baja aavari ke liye allah paak apne e rasulo aur nabiyo ko duniya me bhejta raha aur aakhir me apne pyare habeeb ko bheja aur sarkare madeena apne pyare habeeb ki ummat ke supurd kiya take is ummat ke islami bhai khud hi aapis me aik dusre ki islah karte rahe aur naiki ki dawat ke is aham fareeje ko anjam dete rahe.
ab rehati duniya tak har musalman apni apni jagah par muballiq hai, ab ham gulamane mustafa hi ne aik dusre ki islah ki koshish karni hai kyu ki ab koi nabi nhi aayega, ab naiki ki dawat ko aam karne ka aham mansab is ummat ke supurd kiya gaya hai.
jaisa ki quran e pak me aaya hai jiska mayena ye hai ki,” tum bahatreen ummat un sab ummato me jo logo me jahir huye bhalai ka huqm dete ho aur burai se mana karte ho.”
Mufassire Hakeemul Ummat Mufti Ahmed yar khan Naeemi Tafseerul Irfan me is aayat ki tafseer tahreer farmate hai, ” isse maloom hua ke har musalman muballiq hona chahiye, jo masala maloom ho dusre ko bataye aur khud uski apne amal se tableeg kare.”
Alhamdu lillah sahabi e ikram aur bujurgane deen ne is kam ko ahsan tarike se kiya hai aur naiki ki dawat ke jariye se deene islam ko duniya ke kone-kone me pahunchaya hai hamare aslaf ki esi madani soch hua karti thi ke marte wakt bhi wo is kam ko nhi jhhodte.
Hidayat
Majhabe Maliki ke ajeemul martab paishwa jabardast aashik e rasool jinhone apni tamam tar jindagi amr bil maroof aur vana anil munkar me basar ki bistare murg par bhi is aham fareeje ko na bhoole, aakhiri wakt bhi islami bhaiyo ko jo waseeyat farmayi ke aakhir kalme nakal karte huye hazrate yahya bin yahya farmate hai ki,
” iske baad hazrate sayyiduna imam Malik ne jabeea ki aik aayat bayan ki , ” kisi shakhs ko namaj ke masail batana roohe jameen ki tamam dolat sadka karne se bahatar hai aur kisi ki deeni uljhan door kar dena 100 haj karne se afjal hai.”
Itmeenan Aur Sukoon ka Nijool
Sarkare Madeena, Rahate Kalbo Seena, Huzoor Nabi e Rehmat ne irshad farmaya, “Jo kaum kitabullah ki tilawat ke liye allah paak ke gharo me se kisi ghar me jama hua aur aik dusre ke sath dars ki takrar kare to
- un par itmeenan aur sukoon nijool najil hota hai.
- Rehmat unhe dhanp leti hai.
- firishte unhe ghar lete hai.
- allah paak unka jikr firishto ke samne farmata hai.
Allah paak hame ilme deen sikhane sikhaane, naiki ki dawat dene aur burai se mana karne ki tofeek ata farmaye.. aameen summa aameen.
Burai ke Badale bhalai
Tafseere kabeer me hai ki hazrate Sayyiduna eesa farmate hai, ” Ehsan ye nhi ke tu bhalai ke ivaj bhalai kar de ye to badla chukana hai, Ehsan ye hai ki jo tere sath burai to unse bhalai kar.”
Aman Aur Hidayat Wale
Hazrate Sayyiduna Sakhbara se rivayat hai ki shanshahe madeena, karare kalbo seena, Sahibe Mu-attar Paseena, Baise Nujoole Sakeena, Huzoor Nabi e Rehmat ne irshad farmaya, ” jo banda ata par shukr kare, Aajmaish par sabar kare, Julm kar baithe to istigfar kare aur agar us par julm kiya jaye to muaf karde.”
ye farma aap khamosh ho gaye to sahabi igram ne arj kiya, “ya Rasul lullah ! uske liye kya hai ? farmaya, ” ese log hi aman aur hidayat wale hai.”
Burdbari ki Aala Misal
Hazrate Imame Jianul Aabideen ki londi aap ko vudu karane ke liye bhara lota layi, uske hath se wo lota aap par gir gaya aur aap jakhmi ho gaye, aap ne nigah utha kar use dekha, wo boli allah paak farmata hai walkajimeenal gaij yani ki aur gussa peene wale aap ne farmaya,”mai ne gussa pee liya,
wo boli wal aafeena aninas aur logo se dar gujar karne wale aap ne farmaya, Rab paak tujhe muafi de maine bhi muaf kiya wo boli wallahu yuhyibul muhsineen aur ehsan karne wale allah ke mahboob hai aap ne farmaya ja tu allah paak ke liye aajad hai.
Paishgi Muaaf karne ki Fajilat
Ahyaul Uloom jild 3 safah 219 me hai aik shakhs dua mang raha tha, ” Ya allah mere pas sadka aur khairat ke liye koi mal nhi bas yahi ke jo musalman meri be ijjati kare maine use muaf kiya.” Sarkar huzoor Nabi E Rehmat par wahi aayi, “Ham ne is bande ko bakhsh diya.”
Dil mai Noor Eeman Pane ka Aik Sabab
Hadees e Paak me hai, “jis Shakhs ne gussa juba kar liya bavujood iske ke wo gussa nafij karne par kudrat rakhta hai to allah paak uske dil ko sukoon aur eeman se bhar dega.”
yani agar kisi ki taraf se koi takleef pahunch gayi aur gussa aa gaya ye badla le sakta tha magar mahaj rijaye ilahi ki khatir gussa pee gaya to allah paak usko sukoone qalb ata farmayega aur uska dil noore eeman se bhar dega.