Hazrate Sayyiduna Anas bin Malik farmate hai ki, ” huzoore Akram huzoor Nabi e Rehmat irshad farmate hai ki, “kuchh log bhalai ki kunzi aur burai ka tala hote hai jabki kuchh log burai ki chabiya aur bhalai ke liye tala hote hai jo khushkhabari hai un logo ke liye jinke hatho bhalaiyo ka faijan ho aur barbadi hai unke liye jinke hatho buraiyo ke darwaje khole gaye.
Bahatreen kaun hai ?
Sahibe Qurane Mubeen, huzoor nabi e Rehmat aik martaba Minbare Akdas par zalwa farma the ke aik sahabi ne arj ki, “ya rasulullah ! logo me sab se achha kaun hai ? farmaya” logo me wo shakhs sabse achha hai jo kasrat se quran hakeem ki tilawat kare, jiyada muttaki ho, sab se naiki ka hukm aur burai se mana karne wala ho or sab se jiyada silah rehami karne wala ho.
Zannatul Firdosh kiske liye
Hazrate sayyiduna kabul Hubar ka irshad hai ki, ” zannatul firdosh khas us shakhs ke liye hai jo naiki hukm de aur burai se mana kare.” pyare pyare islami bhaiyo maidane mahshar ke holnak aur pur aashvat mahol me ke jis din arshe ilahi ke alava koi saya na hoga allah paak apne jin matee or farmabardar khas bando ko arshe ajeem ke saye me jagah aur jannatul firdosh me dakhila ata farmayega un khush naseebo me naiki ki dawat dene aur burai se mana karne wale afrad bhi shamil honge.
Masjido ke Autad
Nabi e kareem, Huzoor nabi e rehmat ne irshad farmaya, “beshak kuchh log masjido ke autad yani ibadat ke liye masjid me aksar wakt gujarne wale hai, firishte unke ham nasheen hote hai agar wo mojood na ho to firishte unhe talash karte beemar ho jaye to un ki iyadat karte aur mushkil me unki madad karte hai.”
Kabile Rashk Log
be-chain dilo ke chain , huzoor nabi e rehmat ka farmane aalishan hai, ” kya mai tumhe ese logo ke bare me khabar na du, jo na ambiya me se hai na shohada me se lekin kiyamat wale din ambiya aur shohda unke mukam ko dekh kar rashk karenge, wo log noor ke mimbaro par buland honge, Sahabi ikram ne arj kiya, wo kon log honge?
Irshad farmaya, ” ye wo log hai jo allah paak ke bando ko allah paak ka mahboob banda bana dete hai aur wo jameen par logo ko nasihate karne chalte hai. huzoor sarapa e noor, nabi e rehmat me arj kiya gaya, ” wo log allah paak ki mahboob bato ka hukm dete hai aur allah paak ki na-pasandi bato se mana karte hai,
pas jab log unki ita’at kare to allah paak in ita’at karne walo ko bhi apna mahboob bana lega.”
Surkh Unto se Bahtar
Huzoor nabi e rahmat ne irshad farmaya ki, ” allah paak tumhare jariye aik shakhs ko hidayat ata farmaye to ye tumhare liye usse achha hai ki tumhare paas surkh oont ho.”
Hazrate Allama Yahya bin Sharaf is hadees ki sharah me likhte hai, ” surkh oont ahle arab ka baish keemat mal samjha jata tha, is liye jarbul masal ke taur par oonto ka jikr kiya gaya, Ukharvi Umoor dunyavi dolat se tashbeeh dena sirf samjhane ke liye hai warna to hamesha baki rahne wali aakhirat ka aik jara bhi duniya aur us jesi jitni duniya e tasveer ki ja sake un sab se bahtar hai.
Duaye Kubool na Hongi
Sarkare Madeena, huzoor nabi e rehmat ka farmane aalishan hai, ” kasam hai uski jis ke hath me meri jaan hai, ya to tum achhi baat ka hukm karonge aur buri baat se mana karoge ya allah paak tumhe jald apna ajab bhejega fir dua karoge aur tumhari duaye kubool na hongi.”
Aha! Musalman ki Barbadi
aaj duniya me musalmano ki jo halat hai wo kisi se manfi nhi har taraf hi be amali ka daur daura hai, koi kisi ko tokne wala najar nhi aata, musalman amli taur par tabjili ke ameek ghade ki taraf teji se girta chala ja raha hai aur apne shaye tak foolta chala ja raha hai, yahi vajah hai ki aaj hamari masjide weeran ayr burai ke adde aabad hai.
pyare pyare islami bhaiyo ham neki ki dawat ke jariye buraiyo ke badte huye selab ko rokne ki koshish kar sakte hai.
Zannat ki basharat
Sarkare Madeena, Rahate kalbo seena, Huzoor nabi e Rehmat ne irshad farmaya, ” jo shakhs meri ummat tak koi islami baat pahunchaye taki usse sunnat kayam ki jaye ya usse bad mazhabi door ki jaye to wo zannati hai.”