Goonda hua Aat De Diya
hazrate sayyiduna Habeeb Ajami ke darwaje par aik sail ne sada lagai, aap ki joza mohtarma goonda hua aata rakh kar padosh se aag lene gayi thi taki roti pakaye aapne wahi aata utha kar sail ko de diya jab wo aag le kar aayi to aata naraid yani gayab, aap ne farmaya ke ise roti ke pakane ke liye gayi hai bahut puchha to aap ne khairat kar dene ka wakiya bata diya,
wo boli subhan allah ye to bahut achhi bat hai magar hame bhi to kuchh khane ke liye darkar hai itne me aik shakhs badi lagan me bhar kar gosht aur roti le aaya aapne farmaya dekho tumhe kis kadar jaldi lota diya gaya goya roti bhi paka di or gosht ka salan majeed bhej diya.
Sadka Karne se maal Kam nhi hota
Pyare pyare islami bhaiyo dekha aapne rahe khuda me diye jane wale har cheej har gij jaya nhi hoti aakhirat me ajar wa sawab ka hakdar hota hai bad aukad duniya me bhi ijafe ke sath hatho hath iska nemul badal ata kiya jata hai aur yakeeni baat hai ki rahe khuda me dene se badta hai ghatata nhi jese ki hazrate sayyiduna Abu Huraira farmate hai ki,
“Do alam ke maliko mukhtar makki madani sarkar, huzoor nabi rehmat ne irshad farmaya, ” sadka mal me kami nhi karta aur allah paak muaf karne ki vajah se bande ki ijjat badhata hai aur jo allah paak ki riza ki khatir inkisari karta hai to allah paak use bulandi ata farmata hai.
Pyare Pyare islami bhaiyo kurane pak me sadka or khairat karne wale ke be shumar fajail bayan kiye gaye hai chunache irshade bari tala hai jiska mayena ye hai ki,” isme hidayat hai dar walo ko wo jo be dekhe eeman le aaye aur namaj kayam rakhe aur hamari di huyi roji me se hamari rah me uthaye.”
hamari rah me uthaye ki tafseer me sadrul afajil hazrate allama maulana Naeemuddeen Moradabadi farmate hai ki, ” rahe khuda me kharch karne se ya jakat murad hai.khwah farjo wajib ho jese jakat, najar apna or apne ahle nafaka wagaira khwah mustahab jese sadkat nafali amwat ka eesale sawab,
11vi fatiha, teeja, 40va wagaira bhi isme dakhil hai ke wo sab sadkate nafali hai quran pak me wa kalme shareef ka padhna naiki ke sath aur naiki mila kar ajar or awab badhata hai.
Rajaknahum ki tafseel me Sadra-al-Afajil irshad farmate hai ki, “risk ko apni tarah nisbat farma kar jahir farmaya ke maal tumhara paida kiya hua nhi, hamara ata farmaya hua hai isko agar hamare huqm se hamari rah me kharch na karo to nihayati najeel hua aur ye bukhl nihayat kabee.
Sadka Aag se Parda hai
dosto aapko ye bhi bata de ki hazrate Memuna binte saad raji allahu tala ne marvi hai ki, ” aapne arj ki ya rasullah huzoor nabi e rehmat, sadke ke bare me hamari rahnumai farmaiye ! farmaya, jo allah paak ki rija ki khatir sadka kare to wo sadka usske or aag ke darmiyan parda ban jata hai.”
Sadka Kohtaiyon Ko Mitata hai ?
Sarkre wala Tabar, Ham be kaso ke madadgar, Shafee roje shumar, do aalam ke malik aur mukhtar, habeebe parwardigar, huzoor nabi e Rehmat ne irshad farmaya ki, “sadka kotaiyo ko yu mita deta hai jese aag ko pani.”
sadka dene walo ke liye kabar ki garmi se hifajat aur baroje kiyamat saya e rehmat ke husool ki basharat hai, chunache hadees shareef me hai.”
Kabar me rahat, Kiyamat me Saya
Huzoor e paak, sahibe lolak, Siyahe aflak, huzoor nabi e rehamt ne isrhad farmaya, ” beshak sadka karne walo ko sadka kabar ki garmi se bachata hai aur bila shuba musalman kiyamat ke din apne sadke ke saye me hoga.”
Sadke ki kuch aham Fazeelat
- rahmate aalam, noore mujassam shahe bani e aadam ne farmaya, sadka buraiyo ke 70 darwaje band karta hai.
- allah paak ke akhiri rasool huzoor nabi e rehamt, bibi aamina ke mahakte fool ne irshad farmaya, “subah sawere sadka do ke bala sadke se aage kadam nhi badhati hai.”
- shahanshahe madeena karare kalbo seena, Sahibe Mu-attar paseena, huzoor nabi e rehmat ne irshad farmaya,” khush khulki barkat hai bad khulki nuhusat aur sadka buri maut se bachata hai aur naiki umar badhati hai.
Musalman Ka sadka
noor ke paikar, tamam nabiyo ke sarwar, 2 jahano ke tajwar, sultane bahre bar ne irshad farmaya beshak musakmano ka sadka umar badhata hai aur buri maut ko rokta hai allah pak se iski barkat se sadka dene wale se takabbur aur tafakhur door kar deta hai.”
hazrate umme bujeed se marvi hai ki farmati hai ki mene arj ki ya rasulullah mere darwaje par koi miskeen aata hai aur mai use dene ke liye koi cheej nhi pati to rasulullah ne irshad farmaya ki agar tumhare pas use dene ke liye jali huyi khur ke siva nhi ho to wahi use de do.”
Sakhi Allah Pak ke kareeb hai
nabi e mukarram, rasooli muhtasham, shafeeal-muajjam huzoor nabi e rehmat ne irshad farmaya hai ki, “sakhi allah paak ke kareeb hai jannat ke kareeb hai, logo ke kareeb hai, jahannum se door hai aur bakheel allah paak se door hai, jannat se door hai, logo se door hai, jahannam se kareeb hai aur jahil sakhi, bakheel aabid allah paak ke najdeek jiyada pyara hai.”
Har Musalman par Sadka hai
sarkare madeena, karare kalbo saeena, huzoor nabi e rehmat ne irshad farmate hai ki, “har musalman par sakda hai” arj ki gayi, agar na paye ? to farmaya, ” apne hath se kam kare, apne ko nafa pahunchaye aur sadka bhi de, arj ki agar uski iste-tat na ho ya na kare ? farmaya, sahibe hajat pareshan ki a-anat kare, arj ki gayi, agar ye bhi na kare ? to fri isrhad farmaya. ” naiki ka hukm kare” arj ki agar ye bhi na kare ? to fir irshad farmaya, ” shar se baj rahe ke yahi uske liye sadka hai.”
Ahal par kharch karna sadka hai
allah pak ke habeeb, huzoor nabi e rehmat ne isrhad farmaya ki, ” musalman jo kuchh apne ahl par kharchkarta hai, agar sawab ke liye hai to ye bhi sadka hai.” shafiul mujrimeen, rahmatul lil alameen huzoor nabi e rehmat ne ye bhi irshad farmaya hai ki, ” miskeen ko sadka dena sirf sadka hai aur rishte wale ko dena sadka bhi hai aur silah rehami bhi.”
Kuve se Bharane se pani Badhta hai
Mufassire Shaheer, Hakeemul Ummat, Mufti Ahmed Yar Khan farmate hai, ” jakat dene wale ki jakat har sal badhti rahti hai, ye tajurba hai jo kisan khet me beej fenkta aata hai wo bajahir boriya khali kar leta hai lekin hakikat me mey ijafa ke bhar leta hai ghar ki boriya chuhe sur sure wagaira ki aafat se halak ho jati hai ya ye matlab hai ke jis mal me se sadka nikalta rahe usme se kharch karte raho insha allah badhta hi rahega kuve ka pani bhare jao, to badh hi jayega.
pyare pyare islami bhaiyo rahe khude me kharch karne ka jazba pane namajo aur sunnato ki aadat banane ke liye dawate islami ke madani mahol se har dam wa basta rahiye, sunnato ki tarbiyat ke liye madani kafilo me aashikane rasool ke sath sunnato bhara safar kijiye aur kamiyab jindagi gujarne aur aakhirat sawarne ke liye madani inamat ke mutabik amal karke rojana fikre madeena ke jariye risala pur kijiye aur har madani mah ki 10 tareekh ke andar andar apne jimmedar ko jama kar waiye.